Om

Pensjonistforbundet Ål arrangerer opent møte om korleis heimetenesta i Ål kommune klarte å levere tenester under dei vanskelege forholda uveret «Hans» skapte og kva som er gjort etterpå. For å snakke om dette kjem avdelingsleiar Marie Louise Cappelen Skråmestø og ansvarleg for beredskapen i Ål kommune Bente Vestby.

Uveret «Hans» kom brått på alle, vegar vart stengde, kommunikasjon og straum forsvann og mange vart evakuert. Dette gav mange ekstra utfordingar dei som arbeider i heimetenesta. Me vil høyre om utfordringane som oppstod og resultatet av evalueringa etterpå.

Det er gjort mange forskjellige tiltak i kommunen på fleire fagfelt. Me vil gjerne høyre litt om korleis kommunen og heimetenesta er førebudd om det oppstår ein tilsvarande situasjon.