Om

Bli med på ei magisk og morosam jakt gjennom eventyrskogen!

«Jakten på Prinsessa» er ein spennande og morosam familiemusikal du seint vil gløyme. I ei magisk eventyrverd møter du den tradisjonelle Kongen, den onde Heksa og Prinsen som er kjekk og sterk. Og Prinsessa, så klart, som er vakker og ven og drøymer om å gifte seg med ein prins. Det er jo det prinsesser gjer. Eller?  

 

Det Prinsessa eigentleg drøymer om, er å dra ut i verda for å finne ut kven ho er. Men korleis kan ho følgje hjartet og finne sin eigen veg?  

 

Prinsessa vel å bli med Heksa til verdas ende, ein stad som (nesten) ingen veit kor er. Bortsett frå …? Me røper ikkje kven enno. Men me kan love deg at fleire kjende og kjære eventyrfigurar tittar fram. Når Kongen og Prinsen oppdagar at Prinsessa er borte, er den elleville jakta gjennom eventyrskogen i gang. 

 

Velkomen til ei framsyning full av fargar og fantasi. Med tull og fjas, latter og song, og fengande musikk du berre må synge med på. Eventyrleg moro for barn frå 5 år.

​​​